अत्तरिया : कैलालीको गोदावरी आर्यघाटमा सरसफाइ गरिएको छ। धनगढीको सुदूरपश्चिमाअञ्चल एकेडेमी (एसपीए)का विद्यार्थीले गोदावरी आर्यघाटमा सरसफाई गरेका हुन्।
एसपीएका अनुसार नेपाली सेनाको पृतना र विद्यार्थीले संयुक्त रुपमा शुक्रवार गोदावरी आर्यघाटमा सरसफाइ गरेका हुन्। उनीहरूले आर्यघाट क्षेत्रका प्लास्टिक, लत्ताकपडा तथा काठहरू सरसफाइ गरेका छन्।
एसपीएका एक विद्यार्थी कृष्ण पुजाराले आर्यघाट क्षेत्रमा फोहोर रहेकाले सरसफाइ गरिएको बताए। वातावरण संरक्षणका क्षेत्रमा अमेरिकाको न्यूयोर्क सहरमा आयोजित कार्यक्रममा एसपीएले ग्रीन क्लिन अवार्ड समेत पाएको थियो।
धनगढीलाईँ सफा र स्वच्छ बनाउनु उद्देश्यसहित एसपीएले ग्रीन क्लब गठन गर्दै विभिन्न कार्यक्रम गर्दै आएको छ।
हाल क्लबले पाँच सय मिटर भित्रको क्षेत्र सरसफाईँ गर्दै आएको छ। कैलाली र कञ्चनपुरका नागरिकले गोदावरी आर्यघाट प्रयोग गर्दै आएका छन्।
