डोटी : डोटीमा एक नवजात शिशुको शव फेला परेको छ।
जिल्लाको शिखर नगरपालिका–६ तिलतालीमा सेती नदीमा नवजात शिशुको शव बेवारिसे अवस्थामा फेला परेको हो।
बिहीबार साँझ ५ बजेको समयमा नवजात शिशुको शव फेला परेको जिल्ला प्रहरी कार्यालय डोटीका प्रहरी निरीक्षक सीताराम बिष्टले बताए। ८÷९ महिनाको जस्तो देखिने नबजात शिशुको शव फेला परेको उनले बताए।
शवलाई पोष्टमार्टमका लागि जिल्ला अस्पताल डोटीमा राखिएको छ। यस विषयमा थप अनुसन्धान भइरहेको प्रहरीले जनाएको छ।