काठमाण्डाै : भाेलि फागुन २१ गते हुने प्रतिनिधिसभा सदस्य चुनावको आसपासमा झन्डै एक हप्ता बिदा परेकाे छ ।
सरकारले फागुन २० देखि २२ गतेसम्म चुनावका लागि तीन दिन सार्वजनिक बिदा दिएकोमा त्यसअघिको होली पर्व र पछिको शनिवार तथा महिला दिवस जोडिँदा लामो बिदा परेको हो ।
यस्ता विशेष बिदामात्र होइन, वार्षिक बिदा पनि थपिँदै गएका छन् । यो वर्ष अर्थात् २०८२ सालमा झन्डै ८० दिन सार्वजनिक बिदा परेकोमा अर्को वर्ष २०८३ सालमा यो सङ्ख्या एक सय नौ पुगेको छ ।
सरकारले शनिवारसहित चाडपर्व र जयन्तीमा आठ प्रकारका बिदा निर्धारण गरेको छ भने प्रदेश र पालिकाले आफ्नो क्षेत्रको धर्म–संस्कृतिका आधारमा थप ६ दिन बिदा दिन पाउँछन् ।
अत्यधिक सार्वजनिक बिदाले निजी क्षेत्र आजित बन्न थालेको छ । नेपाल निर्माण व्यवसायी महासङ्घका अध्यक्ष रवि सिंहका अनुसार बिदाका कारण मजदुर काममा नआउने र सरकारी काम नहुँदा समस्या थपिएको छ ।
भूगोल र जनसङ्ख्याका हिसाबले सानो देशमा यति धेरै बिदाको चलनले देशको विकास र अर्थतन्त्रलाई पछाडि धकेलिरहेको उहाँले बताउनुभयो । सरकारी कर्मचारी घरमा बस्दा निजी क्षेत्रले ठूलो क्षति व्यहोर्नुपरिरहेको अध्यक्ष सिंहकाे भनाइ छ ।
https://drive.google.com/file/d/1vUHC1lMyOZJ52FOnJ2Ie-0ivsFoxTF7R/view?usp=sharing