अत्तरिया : कैलाली क्षेत्र नम्बर ५ मा राष्ट्रिय स्वतन्त्र पार्टीका आनन्द बहादुर चन्दले विजयी भएका छन् । बिहीबार सम्पन्न प्रतिनिधि सभा निर्वाचनको शनिवार सार्वजनिक गरिएको अन्तिम मत परिणाम अनुसार चन्द विजयी भएका हुन ।
उनी निकै ठुलो फराकिलो मतान्तरले प्रतिस्पर्धी उम्मेदवारलाई पराजित गर्दै विजयी भएका छन् । ३१ हजार ९५३ मत ल्याएर चन्द विजयी हुँदा उनका प्रतिस्पर्धी नेपाली कांग्रेसका नर नारायण शाहले ११ हजार ९५८ मत ल्याएका छन् । दुवै बिचको मतान्तर १९ हजार ९९५ रहेको छ ।
तेस्रोमा नेपाली कम्युनिस्ट पार्टीका प्रेम बहादुर आलेले ७ हजार ८७६ मत ल्याएका छन् । चौथो बनेको एमालेका यज्ञ राज ढुङ्गाना उपाध्यायले ५ हजार ८३९ मत ल्याएका छन् ।
यहाँ स्वतन्त्र उम्मेदवार प्यारे लाल रानाले १ हजार ७५५ मत ल्याएका छन् भने राप्रपाले १ हजार ५९२ मत ल्याएको छ । अन्य उम्मेदवारले ५ सय भन्दा कम मत ल्याएका छन् ।