१९ औँ एसियाली खेलकुदअन्तर्गत क्रिकेटको क्वाटरफाइनलमा भारतले नेपाललाई २०३ रनको लक्ष्य दिएको छ ।
चीनको झेजिङ युनिभर्सिटीको मैदानमा टस जितेर पहिला ब्याटिङ रोजेको भारतले निर्धारित २० ओभरमा ४ विकेट गुमाएर २०२ रन बनायो ।
नेपालविरुद्ध आक्रामक ब्याटिङ गरेको भारतका ओपनर यशस्वी जैसवालले शतक पूरा गरे । उनले ४९ बलमा ८ चौका र ७ छक्का प्रहार गर्दै एक सय रन बनाए । यस्तै कप्तान ऋतुराज गायकवाडले २५ रनको योगदान गरे । उनले २३ बलको सामना गर्दा ४ चौका प्रहार गरे ।
तिकल बर्मा २ रनमा आउट भए भने जितेश शर्मा ५ रन बनाएर पभेलियन फर्किए । शिवम दुबे २५ र रिंकु सिंह ३७ रन बनाएर नट आउट रहे ।
नेपालका दीपेन्द्र सिंह ऐरीले २ विकेट लिए । यस्तै सन्दीप लामिछाने र सोमपाल कामीले एक–एक विकेट लिए ।