परिगाउँ : डडेल्धुरा जिल्लाको परशुराम नगरपालिकाका प्रमुख प्रशासकीय अधिकृत कृष्ण देव जोशीमाथि कुटपिट भएको छ।
आज बसेको कार्यपालिका वैठकमा विवाद हुँदा कार्यपालिकाका बहुमत सदस्यहरूले कुटपिट गरेको बताइएको छ। कुटपिटवाट जोशि घाइते भएका छन ।
उनको टाउकोमा गम्भिर चोट लागेको र अहिले जोगबुढा अस्पतालमा उपचार भइरहेको छ। उनको टाउकोमा तीनवटा टाँका लगाइएको छन।
बजेट संशोधन गर्नेसहित १३ एजेन्डामाथि छलफल गर्न बैठक डाँकिएको थियो। तर, कार्यपालिका सदस्यहरूले बैठकमा विरोध गर्दै कुर्सी हानाहान गरेको हुन्।
जिल्ला प्रहरी कार्यालय, डडेल्धुरामा घटनाको विषयमा जानकारी भएको तर, प्रहरीमा निवेदन तथा उजुरी भने दर्ता भएको छैन। नेकपा माओवादी केन्द्रबाट विजयी कार्यपालिका सदस्यहरू धेरै पहिलेदेखि शिक्षा शाखा अधिकृत लक्ष्मी विष्टको काज फिर्ता गर्नुपर्ने माग राखिरहेका थिए।
आजको बैठकमा पनि उनीहरूले सोही माग गर्न थालेपछि प्रमुख प्रकाशकीय अधिकृत कृष्णदेव जोशीले उक्त कुरा आफूहरूले गर्न नसक्ने बताएका थिए। सोही विषयमा आक्रोशित भएका सदस्यहरूले हलमा भएका कुर्सी तोडफोड गर्दै अधिकृतमाथि हातपात गरेका थिए।
