धनगढी : चलचित्र पत्रकार सङ्घ नेपाल, कैलाली शाखाको दोस्रो अधिवेशनको अवसरमा पहलमानपुरस्थित एसके सिनेमा हललाई सम्मान गरिएको छ।
कार्यक्रमका क्रममा सङ्घका केन्द्रीय अध्यक्ष समीर बलामीले कदरपत्र प्रदान गर्दै सिनेमा हललाई सम्मान गरेका हुन्। नेपाली चलचित्रको विकास, विस्तार र प्रवद्र्धनमा पु¥याएको योगदानको कदरस्वरूप उक्त सम्मान प्रदान गरिएको जनाइएको छ।
कदरपत्रमा सिनेमा हलले नेपाली चलचित्र संस्कृतिको संरक्षण, स्थानीयस्तरमा चलचित्रप्रतिको आकर्षण बढाउन तथा कला–संस्कृतिको प्रवद्र्धनमा खेलेको भूमिका प्रशंसनीय र प्रेरणादायी रहेको उल्लेख गरिएको छ।
साथै, सिनेमा हलप्रति सम्मान र कृतज्ञता व्यक्त गर्दै आगामी दिनमा पनि नेपाली चलचित्र क्षेत्रको उन्नति र समृद्धिमा निरन्तर सक्रिय रहने विश्वास व्यक्त गरिएको छ।