धनगढी : जेनजी आन्दोलनका कारण बन्द रहेका सुदूरपश्चिमका सीमा नाकाहरू पुनः सञ्चालनमा आएका छन् ।
कञ्चनपुरको गड्डाचौकी, कैलालीको त्रिनगर गौरीफन्टा, बैतडीको झुलाघाट सहितका भारतसँगको प्रमुख सीमा नाकामा आवागमन सुरु भएको हो । भारतीय पक्षले गत हप्ता देखिएको तनावपछि नेपाली नागरिकको प्रवेशमा रोक लगाएको थियो ।
अहिले नाकामा सुरक्षा व्यवस्था भने कडा पारिएको छ । नाकामा आवतजावत सहज बनाउन दुवै देशका सुरक्षा निकायबीच समन्वय भइरहेको जनाइएको छ ।