अत्तरिया : कैलालीको गौरीगंगा नगरपालिकाले सहकारी संस्थाहरुबाट ऋण लिएका व्यक्तिलाई तत्काल ऋण तिर्न भनेको छ ।

नगरपालिकाले एक सूचना जारी गर्दै सहकारी संस्थाले पटक पटक ताकेता गर्दा समेत सम्पर्कमा नआएको गुनासो आएकाले ऋण नतिरेका ऋणीहरुले सम्बन्धित सहकारी संस्थाहरुमा सम्पर्क गरि ऋण भुक्तानी गर्न भनेको हो ।
नगरपालिकाका प्रमुख प्रशासकीय अधिकृत धर्मराज विनाडीको हस्ताक्षर रहेको सूचनामा ऋण नतिरे प्रचलित कानुन बमोजिम कारवाही हुने उल्लेख छ ।
