अत्तरियाका बामपन्थी नेता पाण्डेले ७ दिनमै गरे काजकिरिया सम्पन्न, मृत्य पश्चातको खर्च बिद्यालयलाई सहयोग

सेवा सत्कार जिवितमा गर्ने हो,मृत्यपछि कर्मकाण्ड हैन: बामपन्थी नेता पाण्डे

अत्तरिया : हिन्दू परम्पराअनुसार १३ दिनमा सकिनुपर्ने काजकिरिया अत्तरियाका एक बामपन्थी नेताले ७ दिनमै सम्पन्न गरेका छन् । कैलालीको गोदावरी नगरपालिका १ बनखेतमा बसोबास भएका राष्ट्रिय जनमोर्चाका केन्द्रिय परिषद सदस्य तथा सुदुरपश्चिम उपाध्यक्ष हरिकृष्ण पाण्डेले आफ्नो काकाको काज किरिया ७ दिनमा सामान्य किसिमबाट सम्पन्न गरेका हुन् ।

१६ गते (बुधबार) निधन भएका उनका काकाको मंगलबार ७ दिने काज किरिया सामान्य एवं प्रगतिशील तरिकाले श्रद्धाञ्जली सभा राखेर सम्पन्न भएको थियो । बामपन्थी नेता पाण्डेले न कपाल काटे, न किरियाका लागी अलग्गै बसे, न सेता लुगा, न त कुनै पिण्डको व्यवस्था । उनी सधै लगाईरहने पहिरनमा बसे । काजकिरिया समापनका दिन आज (मंगलबार) उनले आफनै घरमा आफ्न्तजन र नेताहरुलाई बोलाएर श्रद्धाञ्जली सभामा एक औपचारिक कार्यक्रम आयोजना गरी काज किरिया सम्पन्न गरेका छन् ।

उनले काकाको मात्रै हैन केही समय अगाढी स्वर्गवास भएकी आफ्नी आमाको समेत यस्तै काज किरिया सामान्य एवं प्रगतिशील तरिकाले सम्पन्न गरेको बताए । उनले आफुले यसरी सामान्य एवं प्रगतिशील तरिकाले कार्यहरु गरिरहदा समाजमा रहेका केही छिमेकी र आफ्न्तहरु पनि भेट्न नआएको गुनासो गरे । मृत्यु पश्चात बिभिन्न सामाग्रीहरु दान दिने गरिएको हुन्छ तर त्यसरी खर्च गर्नुभन्दा समाजमा रहेका गरिब,असहायलाई सहयोग गर्नु उचित रहेको उनले बताए । ‘हामीले सेवा सत्कार जिवितमा गर्ने हो,मृत्यपछि कर्मकाण्ड गरेर खर्च गर्ने हैन् । मृत्यु पश्चात गरिने विधि,पद्दतिहरु परिवर्तन हुनुपर्छ ।’ उनले भने ‘काज किरिया सामान्य एवं प्रगतिशील तरिकाले सम्पन्न गरेर यसमा लाग्ने खर्च समाजमा रहेका गरिब,असहायलाई सहयोग गर्नु पर्दछ ।’

Dhangadhi_Tihar 2083

बामपन्थी नेता पाण्डेले काज किरियमा लाग्ने खर्च गोदावरी नगरपालिका-२ मा रहेको अपांगता बालबालिका अध्ययनरत सुप समावेशी आधारभुत बिद्यालयमा छात्रबृति अक्षय कोष स्थापना गर्ने घोषणा गरेका छन् । काकाको मंगलबार ७ दिने काज किरिया श्रद्धाञ्जली सभा राखेर सम्पन्न भएको कार्यक्रम मार्फत छात्रवृत्ति कोषका लागि ५० हजारको चेक बिद्यालयका संस्थापक अध्यक्ष मान बहादुर साउँदलाई हस्तान्तरण गरेका छन् । पाण्डेका काका पनि अशक्त भएका कारण अपांगता बालबालिका अध्ययनरत बिद्यालयमा छात्रबृति अक्षय कोष स्थापना गरी सहयोग गरिएको बताईएको छ ।  खानेपानीमा आवद्ध पाण्डेकी श्रीमती कुन्ती पाण्डेले पनि तालिम लगायतका बिभिन्न कार्यक्रमहरुबाट पाएको भत्ता स्कुललाई सहयोग गरेकी छन् ।

त्यस्तै बामपन्थी नेता हरिकृष्ण पाण्डे र कुन्ती पाण्डेले यस अघि आफ्ना छोरा छोरीको विहे पनि एउटा औपचारिक कार्यक्रमको आयोजना गरि सामान्य एवं प्रगतिशील तरिकाले बिहे गरेका थिए । छोराको विहेमा नेता पाण्डेयले त्यतिबेला पनि विवाहको खर्च सुप माविको लागी छात्रबृति कोषको स्थापना गर्ने गरी ५० हजार चेक हस्तान्तरण गरेका थिए ।

बामपन्थी नेता हरिकृष्ण पाण्डे र कुन्ती पाण्डेको पनि यसरी नै प्रगतीशिल बिहे भएको थियो । बामपन्थी नेता पाण्डेका ससुरा डोटीका पुराना कम्युनिष्ट नेता डिल्लीराज भट्ट हाल गण्डकी प्रदेशका प्रदेश प्रमुख छन् ।

दुलाहाका वुवा पाण्डेले प्रगतिशिल विवाह मार्फत फजुल खर्च गर्ने भन्दा पनि विवाहको खर्च सामाजिक काममा खर्च गर्न सकिने सन्देश दिन सफल भएको बताए । बिवाहमा दान दक्षिणा नभएर अधिकार दिनुपर्ने भन्दै उनले आफ्नी छोरीलाई पनि छोरा समान हक र अधिकार दिएको बताएका छन् । उनले आफुसंग भएको धनसम्पत्ती पनि छोरा र छोरीलाई बराबरी गरेको बताए । समाज र व्यवस्था परिवर्तन हुनुपर्छ र परिवर्तनका लागि आफु लागिपरेको नेता पाण्डेले बताए ।

Loading...