धनगढी : कैलालीको लम्कीचुहा नगरपालिका–१०, चुहा नजिकै ट्रकको ठक्करबाट एक बालकको मृत्यु भएको छ ।
ठक्करबाट गम्भिर घाइते लम्कीचुहा नगरपालिका वडा नम्बर ८ का १५ वर्षीय शिरिष भण्डारीको मृत्यु भएको हो । जिल्ला प्रहरी कार्यालय कैलालीका अनुसार सु.प्र. ०१००१ख २८५० नम्बर ट्रकले ठक्कर दिँदा साइकल सवार भण्डारी गम्भीर घाइते भएका थिए ।
उनको लम्कीस्थित लालरत्त अस्पतालमा उपचारको क्रममा मृत्यु भएपछि शनिबार बिहान मृतकका आफन्त, स्थानीयले पूर्वपश्चिम महेन्द्र राजमार्गमा उचित क्षतीपूर्तिको माग गर्दै चक्का जाम गरेका छन्।
ट्रक चालक ३९ वर्षीय रामदत्त भट्ट र ट्रक प्रहरी नियन्त्रण रहेको जनाइएको छ । पीडित पक्षसँग छलफल गरी बाटो खुलाउने प्रयास भइरहेको जनाइएको छ।
